Edukira salto egin | Salto egin nabigazioara

2020

Urriaren 29an hasi eta azaroaren 26ra arte, ostegunero elkartuko dira ahozko kultur sorkuntzan zaletutako gazteak. Sarrera doakoa da, baina izena eman behar da aurretik.

Ostegunak bereziak izan ziren iaz, eta aurten ere hala izatea nahiko genuke. Berriro ere, Ahostegunak egitasmoaren baitan, ostegunero elkartuko gara 18 eta 22 urte bitarteko gazteak, antzerkiaz, bertsoaz, kantuaz eta literaturaz gozatzeko.

Ostegunero, ahozko kultur sorkuntza bat langai eta gozagai.

 

Saioak 16:00etatik 19:00etara izango dira, UPV/EHUko Gipuzkoako campusaren ondoan dagoen Euskaltzaindiaren egoitzan - Tolare baserria. Almortza bidea, 6. Donostia -. Urriaren 29an egingo dugu lehen saioa, eta, jarraian, ostegunero egingo dira, azkena azaroaren 26an egiten den arte.

Egun horietako bakoitzean diziplina horretan iaioa den lagun bat izan du taldeak tartean; eta azken egunean, guztiak elkartu dituen mahai-ingurua egingo da:

  • Urriak 29. KANTAGINTZA - Olatz Salvador
  • Azaroak 5. ANTZERKIA - Erika Olaizola
  • Azaroak 12. BERTSOLARITZA - Eli Pagola eta Odei Barroso
  • Azaroak 19. LITERATURA - Oier Guillan
  • Azaroak 26: MAHAI-INGURUA - Aurreko egunetako gonbidatuekin 

Ahostegunak 2020

UPV/EHUko Gipuzkoako campusean eginda unibertsitateko ikasleek eskurago izango duten arren, ateak irekita izan dituzte interesa duten gainerako 18 eta 22 urte bitarteko gazteek ere.

Sarrera doakoa da, baina ezinbestekoa izan da aurrez izena ematea webgune honetan egokitutako izen-emate orria beteta (urriaren 14tik 22ra egongo da martxan). Behin izena emanda, saio guztietara etortzeko konpromisoa eskatzen da; izen-emate ordena ere aintzat hartu da taldea osatzerakoan.

Mintzola Ahozko Lantegiak eta UPV/EHUko Mikel Laboa Katedrak antolatu dugu ekimena, Euskaltzaindiaren laguntzarekin. 

Ahostegunak ekimenaren inguruko informazio gehiago, hemen.