Edukira salto egin | Salto egin nabigazioara

2014/05/07

2013ko Bertsolari Txapelketako liburua eta diskoa argitaratu dira

Bertsoak, kronikak, argazkiak eta adituen iritziak eskaintzen ditu. Azken atal hau osatzeaz arduratu da Mintzola Fundazioa. Egitasmo horren baitan ere kokatu ziren Mintzolan antolatutako 15 hitzaldi eta nazio arteko 2 bertso saioak, zein etxeko nahiz atzerriko 90 gonbidatu bildu zituen finaleko terraza zientifikoa. Horiek denak gauzatu ahal izateko ezinbestekoa izan da Xenpelar Dokumentazio Zentroa.

BTN13ri buruzko liburuak 14 iritzi dakartza. Bertsolari Txapelketa Nagusi baten liburuan sekula ez da hainbeste iritzi bildu, are gutxiago hainbeste esparru ezberdinetatik eman iritzia.

 Besteak beste Mintzola Fundazioarekin auzolanean ari diren ikertzaileek eman dute iritzia. Ikertzaile bakoitzak bere ikerketa esparruaren arabera egin du analisia:

Jone Miren Hernandez, EHUko antropologia irakaslea: Emakumea/Txapelketa        

Xabier Paia, Ikertzailea: Ahozko / idatzizko erregistr.

EHUko IXA TALDEA: 1986-2013 TN-en estatistikak

            - Manex Agirrezabal, Ikertzailea

            - Bertol Arrieta, EHUko informatika irakaslea

            - Aitzol Astigarraga, Ikertzailea

            - Mans Hulden, Ikertzailea

 Teresa Del Valle, EHUko antropologia irakasle ohia: Hitzak eta lekuak     

Jexux Larrañaga, Ikertzailea: Jokoa eta jolasa

An. Falcó Chr. Simelio, Kataluniako inprobisatzaileak: Atzerriko begiez BTN13ri so

Pere Bescós, Ikertzailea: BEC / Iliada 

Olatz Mitxelena, Komunikazioan gradua: BTN13 / ideologia

Pio Perez, EHUko fil. irakaslea: Performancea / emozioak

Aldez edo moldez beste bost ADITU aritu dira bertsogintzaz. Txapelketa hasi aurretik, aniztasunaren trataeraz aritu zen Arkaitz Goikoetxea (itzultzailea). Kanporaketetako bertsogintza Xabier Sukiak (kazetaria) aztertu du. Finalerditakoa Gorka Azkaratek (bertso eskolako irakaslea) jorratu du. Eta Joxerra Garziak (bertsolaritzan aditua) berriz, finalekoa analizatu du. Txapelketondoan Andoni Egañak Txapelketari buruz idatzi du oro har, bertsogintzaz ere bai.

BTN13an zehar erabili diren doinuen azterketa, identifikazioa eta sailkapena egin dute Joanito Dorronsorok eta Martin Aramendik: horien berri ere badakar liburuak, pentagrama eta guzti. 6 doinu eta 3 neurri berri identifikatu dira, eta jadanik XDZren baitako doinutegian, BDBn, txertatu dira.

Bertsolari Txapelketa Nagusiko liburua 20 eurotan eskura daiteke www.lanku.com atarian eta ohiko liburu dendetan. Bertsozale Elkarteko bazkideek 15 eurotan eskuratu ahalko dute.