Edukira salto egin | Salto egin nabigazioara

Abian dauden ikerketak

Bertsolaritza ardatz duten ikerketak martxan dira, denak ere bertsolaritzaren baitako gai ezberdin bat landuz.

Doktoregai tesiak

Ahozko hizkeraren ezaugarriak bertsolarien bat-bateko jardunean :: Eñaut Agirre Goia

Garai bateko bertsolarien eta egungoen ahozko ezaugarriei erreparatuko die Agirrek. "Xenpelar, Txirrita eta Maialen Lujanbio bertsolarien ezaugarri horiek aztertu nituen. Hasieran espero litekeena baino alde gutxiago dagoela ikusi dut, eta horrek beste bide batzuk irekitzen ditu: ezaugarri horiek gehiago zehaztu beharra eta beste bertsolari batzuk ere aztertzekoa".

Bertsolaritza eta kazetaritza :: Antxoka Agirre Maiora

Bertsolaritzaren prosodia :: Ainhoa Aizpurua Insausti

"Prosodia da hizkuntzaren musika, ahozkotasunaren funtsa: erritmoa, entonazio-egiturak, intentsitate aldaketak... hartzen ditu bere baitan eta hori bertsotan nola sortzen den aztertuko dut. Eta, era berean, bertsoak berak euskararen prosodiari buruz agertzen duena behatzea".

Bertsolaritzaren transmisioa eta euskararen gune sinbolikoaren sendotzea :: Miren Artetxe Sarasola

Iparraldeko bertso-eskoletako gazteen hizkuntza portaera eta, batez ere, horren gainean gazteok duten diskurtsoa aztertu du eta bertso-eskolak horretan duen eragina. "Bigarren fasean, bertso mundura begira jarri naiz. Bertsolaritzak berak badu hizkuntza ideologia bat eta ideologia horren baitan sozializatzen da bertso-eskolan dabilena".

Hizkuntzalaritza konputazionaleko teknikak bertsolaritzan :: Aitzol Astigarraga Pagoaga

Bertsolaritza doinuan sorkuntza automatikoa :: Izaro Goienetxea Urkizu

Bertsoaren Agenda. "Agenda setting"ak bertsolaritzaren diskurtsoan duen eragina :: Oihana Iguaran Barandiaran

Hedabideek sortzen duten albistearen eta bertsoaren baitan sortzen den diskurtsoaren arteko harremana ikertuko du: "komunikazioan agenda setting izena duen teoria aplikatu nahiko nuke, bertsogintzan ikusteko diskurtso horrek nola heltzen dion aktualitateari".

Xabier Leteren bertso, olerki eta kanten analisia :: Jon Martin Etxebeste

Ahots kantatuaren sintesia. Bertsolaritzarako egokitzapena :: Xabier Sarasola Aramendia 

Bertsolaritza eta irudia :: Beñat Romera del Cerro

Lan monografikoak edo master amaierakoak

Bertsolaritzan garatutako umorea(k), genero ikuspegitik :: Ane Labaka Mayoz

Gorputz Heziketako aktibitateen didaktika bertsogintzaren didaktikaren zerbitzuan :: Xumai Murua Berra

Oiartzungo bertsolarien kantaera: analisi musikologiko konparatiboa :: Itziar Navarro Ibáñez

 

Orain arte garatutako ikerketa gehiago behatu nahi izanez gero, sartu Xenpelar Dokumentazio Zentroaren liburutegira